اعىمداعى جىلى 921 المتىلىق تۇرعىنداردان تۇتىنۋشىلاردان ارىز ءتۇستى.

بۇل تۋرالى الماتى قالاسىنىڭ وڭىرلىك كوممۋنيكاسيالار قىزمەتىنىڭ الاڭىندا قازاقستان رەسپۋبليكاسى ۇلتتىق ەكونوميكا مينيسترلىگى تابيعي مونوپوليالاردى رەتتەۋ، باسەكەلەستىكتى جانە تۇتىنۋشىلاردىڭ قۇقىقتارىن قورعاۋ كوميتەتىنىڭ الماتى قالاسى بويىنشا دەپارتامەنتىنىڭ باسشىسى بولات سامبەتوۆ مالىمدەدى. 

بولات قۋانىشبەك ۇلىنىڭ سوزىنشە، دەپارتامەنتپەن الماتى قالاسىنىڭ 8 تۇتىنۋشىلاردىڭ قۇقىقتارىن قورعاۋ قوعامدىق بىرلەستىكتەرىمەن ىنتىماقتاستىق تۋرالى مەموراندۋمدارى جاسالدى. بىرلەسكەن جۇمىس تۇتىنۋشىلاردىڭ ارىزدارىن تالداۋ، تۇتىنۋشىلاردىڭ شيەلەنىستەرىن باقىلاۋ، حالىقتىڭ قۇقىقتىق بىلىكتىلىگىن جوعارىلاتۋ ماقساتىندا بىرلەسكەن شارالاردى، اكسيالاردى، جيىنداردى ۇيىمداستىرۋعا باعىتتالعان. 

2017 جىلدا 12 سەمينار، 8 دوڭگەلەك ۇستەل، 7 «اشىق ەسىكتەر كۇنى» ءىس-شارالارىن: 

- حالىقپەن جانە جۇمىس ۇجىمدارىمەن 23 كەزدەسۋ؛ 

- ساۋدا ۇيلەرىندە جانە بازارلاردا 8 اكسيا؛ 

- ءار ءتۇرلى قىزمەت كورسەتۋ سالالارىندا 8 الەۋمەتتىك ساۋالنامالار،-دەپ اتاپ ءوتتى ول.  

2018 جىلدىڭ 1 قاڭتارىنىڭ جاعدايى بويىنشا تۇتىنۋشىلاردان 921 ارىز ءتۇستى. ونىڭ ىشىندە، 864 ارىز بويىنشا تۇسىندىرمە بەرىلدى، 52 ارىز باسقا مەملەكەتتىك ورگاندارعا قۇزىرەتى بويىنشا جولداندى جانە كاسىپكەرلىك سۋبەكتىلەرىنە 5 اكىمشىلىك اسەر ەتۋ شارالارى جۇرگىزىلىپ، ناتيجەسىندە 4 ملن.تەڭگە كولەمىندە ايىپپۇل ءوندىرىلدى. 

تەلەفونمەن تۇسكەن وتىنىشتەر بويىنشا 449 تۇسىندىرمە بەرىلدى. 

اعىمداعى جىلى، دۇنيەجۇزىلىك تۇتىنۋشىلاردىڭ قۇقىقتارىن قورعاۋ كۇنى شەڭبەرىندە دەپارتامەنتپەن وقۋ ورىندارىندا لەكسيالار وقىلدى، قالانىڭ كىتاپحانالارىندا كورمەلەر، اشىق ەسىكتەر كۇنى وتكىزىلىپ، جەرگىلىكتى ب ا ق باسپالارىندا ماقالالار جاريالاندى. سونىمەن بىرگە، «ادال» قوعامدىق بىرلەستىگىمەن بىرىگىپ «دوستىك پلازا» ساۋدا ۇيىندە ورنالاسقان SULPAK ەلەكترونيكا دۇكەنىندە «تۇتىنۋشىلاردىڭ قۇقىقتارى» تاقىرىبىندا اقپاراتتىق اكسيا جۇرگىزىلدى، - دەپ ءسوزىن تۇيىندەدى دەپارتامەنت باسشىسى بولات قۋانىشبەك ۇلى.